Ang isang stasyon ay isang lugar kung saang maraming puwedeng kuwentong mangyari at makita bawat araw. Isang araw sa Nobyembre, Nobyembre 14, 2012, dumaan si Gregory Paulo Llamoso sa MRT at nakakita ng dalawang taong nag-aaway. Nilabas niya ang kanyang cellphone at kinunan ito, dahil iyon naman talaga ang tamang gawin - hindi naman iwanan nalang sila para sa kanilang dalawa nalang ang gulo, o kaya tulungan sila - kasi sayang naman.
Nakakatawa naman ito, o kaya nakakainis. Pero kahit sa anong dahilan, inisip ni Gregory na ilagay sa internet ang kinuhang video. Maraming taong nakanuod nito. Maraming taong gustong ipanuod sa iba - at sa kaunting oras kumalat na. Naging balita ito na parang breaking news. Kahit mayroong iba namang nangyayari sa mundo, kahit mas malaki ang gulo sa ibang mga lugar - ito nalang ang papansinin ang tao. Hindi lang sapat ang pansinin - kailangan marami ring magalit.
Ang dalawang tao sa video: si Paula Salvosa at si Sharon Mae Casinas - isang estudyante at isang lady guard.
Makikita sa video na sinisigawan ni Paula si Sharon Mae at pinapahiya. Nakilala rin siya sa kaniyang pagsigaw ng "I'm a liar" na ginawang "Amalayer" ng mga tao. Sa mga nilabas na kuwento sa balita, sinasabi ni Paula na sinaktan muna siya ni Sharon Mae kaya siya napasigaw ng ganun.Sinasabi naman ni Sharon Mae na wala siyang ginawa - sinabi lang na ipa-scan ang laman ng kanyang bag.
Parang teleserye lang and drama dito sa grabe ng galit ni Paula, na iisipin mo kung ano talaga ang away. At parang teleserye lang na pinanuod ng mga tao. Hanggang ngayon, hindi parin ganoong kalinaw kung ano talaga ang nangyari, pero magagalit parin ang marami. Hustisya raw ang paggalit nila.
Ang iba naman, makikisama lang sa galit ng iba. Pagtatawanan ang Ingles at Filipino niya. Makikaway rin.
Para sa akin, ang talagang mahahanap na kuwento dito ang hindi kina Paula at Sharon Mae- kundi sa mga reaksyon ng lahat ng taong nakakita ng pangyayaring ito. Sa dating panahon, hindi naman maiisip na balita talaga ang isang away kagaya nito, at grabe naman ang mga tao dahil nagiging biktima na ng cyberbullying si Paula. Ang maaring isipin muna ng tao ay dapat malaman muna ang parehong panig bago mauna sa panghuhusga ng mga tao. Medyo nakakalungkot na nagiging katatawan nalang ang mga pangyayari na ganito, kasi marami namang taong nagkakamali - minalas lang si Paula na nakunan ito sa isang cellphone, at hindi nakuha ang nangyayari bago dito, kaya hindi rin malaman kung totoo ang sinasabi niyang dahilan sa paggalit niya. Baka may dahilan siya sa paggalit niya. O baka masama lang yung araw niya noong araw na iyon. O baka sheesalayer at wala talagang nangyari, at bastos lang talaga siyang tao. Pero grabe ang media dito - umaasa sa paggawa ng teleserye sa balita.
Mga Pinagkunan:
http://www.gmanetwork.com/news/story/282717/news/metromanila/amalayer-girl-seeks-face-to-face-with-lrt-guard
http://www.gmanetwork.com/news/story/282308/scitech/socialmedia/girl-in-viral-amalayer-video-speaks-up
http://www.youtube.com/watch?v=i_bNVcyPK9g
